बाबा गातो अंगाई

नीज नीज माझ्या बाळा
बाबा गाती तुला रे अंगाई 2
कुठे आज गेली नीज तुझी
बाबा झोपवी तुज बनूनी आई

सुमसान झाल्या वाटा
शांत झाले पक्षी प्राणी
पुन्हा आज जाग्या झाल्या
आईच्या तुझ्या आठवणी

रोज पाळण्यात झुलवूनी
झोपवी तुला तुझी आई
नीज तुजला नाही येता
गात होती रे ती अंगाई

नाही सखा ना कोणी सोबती
तूच सखा तूच सर्व काही
करीतो विनवणी बाबा तुझा
तरी तू बाबाचे ऐकत नाही

किती करू अजून रे धडपड
माया ती शेवटी आधुरी राही
तुझ्या पुढे हरलो मी आता
सांग कसा बनू मी तुझी आई

**सचिन विश्राम कांबळे**