नवी पहाट

 

नवी पहाट

सरली ती रात्र काळोखी
उजाडली नवी सोनेरी पहाट
चकाकणाऱ्या दवबिंदूचा
तृण पातीवर निराळा थाट

किलबिलाती झेप घेती
अवकाशात ते खुळे पक्षी
प्रभाकराच्या तांबूस वर्तुळावर
भासे जणू कोरलीच नक्षी

उंच उडी घेती कड्यावरूनी
दुधाळ,शुभ्र ते झरे पांढरे
मध्येच शांत मध्येच उसळती
नादात बागडती सागराची लेकरे

वृक्ष वल्ली सवंगडी सूरांचे
सळसळती कोकीळ गण्यावरती
वाऱ्याच्या त्या तालावरी
चहू दिशेकडे लयात डोलती

गीत नवे मुखी पाखरांच्या
ऐकूनी या वेड्या मनास भावे
सौंदर्य उषेचे जणू चित्र रेखाटलेले
जागवी आशा ,नयनी स्वप्न नवे

*सचिन विश्राम कांबळे*