इटूकले पिटूकले हात परीचे
चिमुकले चिमुकले कान
भिरभिरते नजर चहूकडे
घारे डोळे किती दिसे छान
रुपेरी पाळणा परी तुझा
मधोमध फिरतो खेळणा
पाहून हसते गोड परी माझी
गदागदा हले तो पाळणा
दिसे कधी ना रडताना तू
हसवी तू कशी साऱ्यांना
रूप तुझे दिसे जणू गौरीचे
टाकले मागे साऱ्या परीना
तूच आधार बापा जीवनाचा
तूच जगणं आम्हा शिकवशी
लक्ष्मीचे पाऊल तुझे म्हणती
मग का तू कुणा वाटे नकोशी
**सचिन विश्राम कांबळे**