ती कळी

 

एक सकाळी कळीकडे पाहून
विचार करत होते बसले
फुलणाऱ्या त्या कळीस पाहून
मनी चिंतेचे वादळ उठले

उद्या ती कळी फुलणार आहे
फुलून सुंदर फुल बनेल
वाईट दृष्टी ना पडो कोणाची
फुलण्या आधीच ते गळेल

सताविते मना हीच चिंता
कोणा हाती ते फुल पडेल
देवा चरणी वाहिले जाईल
की कोण डोईवर सजेल

कोणी मध्येच येऊन
बिनकामी तर नाही ना तोडेल
पाकळी पाकळी तोडून अशी
नाही ना कोणी विखरेल

इच्छा मनी सजावे डोईवर
चरणी देवाच्या पडावे
या नको ते कोमेजून जावे
हीच चिंता मनी खूप सतावे

**सचिन विश्राम कांबळे**