मुक्त जगायला

 

कर तुला हवं ते मर्जीने
थोडं जगून बघ स्वतःसाठी
किती राब राबणार अशी
झिजणार तू दुसऱ्यासाठी

तू स्वतःच आपली करून घेतली
शून्य किंमत कौडी मोल
कारण गुमाण सारं सोसलं
झेलले झुकून ते कडवे बोल

शिक प्रत्युत्तर करायला
अधिकार तुलाही जगायला
नाही मिळालं घे हिसकावून
दाखव तुझ्यातलं बळ जगाला

चल उठ आता तरी हो जागी
परवानगी तुझीच आहे तुला
दाखव इंगा स्त्री शक्तीचा
मग कोण अडवेल मुक्त जगायला